Пытанні ўдасканалення заканадаўства ў сферы энергетыкі, ядзернай і радыяцыйнай бяспекі абмеркаваны на выязным пасяджэнні пастаянных камісій Палаты прадстаўнікоў Нацыянальнага сходу Рэспублікі Беларусь на пляцоўцы Беларускай АЭС

4 красавіка 2019 года прадстаўнікі МНС на чале з Міністрам па надзвычайных сітуацыях Уладзімірам Вашчанка прынялі ўдзел у выязным пасяджэнні Пастаяннай камісіі Палаты прадстаўнікоў Нацыянальнага сходу Рэспублікі Беларусь па пытаннях экалогіі, прыродакарыстання і чарнобыльскай катастрофы сумесна з Пастаяннай камісіяй Палаты прадстаўнікоў Нацыянальнага сходу Рэспублікі Беларусь па прамысловасці, паліўна -энергетическому комплексу, транспарту і сувязі на тэму «Аб заканадаўчым удасканаленні адносін у сферы электраэнергетыкі і радыяцыйнай бяспекі».

У ходзе мерапрыемства Уладзімір Вашчанка адзначыў, што нарматыўная база рэгулявання бяспекі пры выкарыстанні атамнай энергіі і крыніц іанізуючага выпраменьвання патрабуе рэгулярнага перагляду і развіцця. Выдаюцца новыя стандарты і кіраўніцтва па бяспецы Міжнароднага агенцтва па атамнай энергіі (МАГАТЭ), якія рыхтуюцца з улікам сучасных навуковых дасягненняў, назапашанага вопыту эксплуатацыі энергаблокаў АЭС ва ўсім свеце, аналізу аварый. Наша краіна атрымлівае прапановы і рэкамендацыі па ўдасканаленні заканадаўства ад міжнародных ацэначных місій і партнёрскіх праверак. Акрамя таго, адбываюцца агульныя змены прававога поля Рэспублікі Беларусь. З улікам гэтых абставінаў МНС, як рэгулюючы орган у галіне ядзернай і радыяцыйнай бяспекі, ініцыюе актуалізацыю НПА, у тым ліку высокага ўзроўню.

У цяперашні час рыхтуецца да другога чытання праект актуалізаванага Закона Рэспублікі Беларусь "Аб радыяцыйнай бяспецы насельніцтва», наспела таксама неабходнасць актуалізацыі Закона Рэспублікі Беларусь "Аб выкарыстанні атамнай энергіі".

Акрамя абмеркавання пытанняў удасканалення заканадаўства ўдзельнікі выязнога пасяджэння азнаёміліся з работай інфармацыйнага цэнтра Беларускай АЭС, ходам будавання станцыі, магчымасцямі і працай вучэбна-трэніровачнага цэнтра.

Па дадатковую інфармацыю звяртацца да кансультанта Дзяржатамнагляду Алегу Собалева, тэл. (8-017) 200-92-16