Арганізацыі, з якімі мы супрацоўнічаем

Дзяржатамнагляд выбудоўвае міжнароднае супрацоўніцтва для ўмацавання ядзернай і радыяцыйнай бяспекі як на двухбаковым (праз узаемадзеянне з рэгулюючымі органамі, арганізацыямі тэхнічнай падтрымкі суверэнных дзяржаў, іншымі арганізацыямі, якія маюць дачыненне да пытанняў забеспячэння ядзернай і радыяцыйнай бяспекі), так і на шматбаковым узроўні (у рамках міжнародных арганізацый, аб'яднанняў, праграм і праектаў са шматбаковым удзелам).

Шматбаковае супрацоўніцтва

З мэтай рэалізацыі нацыянальных інтарэсаў Рэспублікі Беларусь Дзяржатамнагляд працуе ў рамках цеснага ўзаемадзеяння з Міжнародным агенцтвам па атамнай энергіі (МАГАТЭ). Пры ажыццяўленні рэгулюючай дзейнасці Дзяржатамнагляд кіруецца шэрагам норм і кіраўніцтваў Агенцтва з мэтай павышэння рэзультатыўнасці работы рэгулюючага органа.

Дзяржатамнагляд далучыўся да шэрагу міжнародных аб'яднанняў і сетак рэгулюючых органаў у галіне ядзернай і радыяцыйнай бяспекі, у рамках якіх ажыццяўляецца абмен вопытам, лепшымі практыкамі і падыходамі да забеспячэння ядзернай і радыяцыйнай бяспекі, укаранення сучасных стандартаў бяспекі, уключаючы:

- Форум супрацоўніцтва рэгулятараў (RCF). Беларусь у асобе Дзяржатамнагляду далучылася да RCF у якасці атрымальніка дапамогі ў 2012 годзе;

- Сетка па ядзернай бяспецы Еўропы і Сярэдняй Азіі (EuCAS). Дзяржатамнагляд прадстаўлены ў EuCAS з моманту заснавання сеткі ў верасні 2016 года і з'яўляецца ўдзельнікам распрацоўкі і падпісантам дакумента, які ініцыюе дадзенае рэгіянальнае аб'яднанне.

У рамках супрацоўніцтва з краінамі СНД Рэспубліка Беларусь у асобе Дзяржатамнагляду выступіла ініцыятарам стварэння новага прафесійнага аб'яднання рэгулюючых органаў. Такое аб'яднанне было створана ў 2022 годзе ў фармаце Савета кіраўнікоў органаў рэгулявання бяспекі ў сферы выкарыстання атамнай энергіі краін СНД.

Савет з'яўляецца пастаянна дзеючым органам пры Камісіі дзяржаў-удзельніц Садружнасці Незалежных Дзяржаў па выкарыстанню атамнай энергіі ў мірных мэтах і фарміруецца з кіраўнікоў органаў рэгулявання бяспекі пры выкарыстанні атамнай энергіі. Яго задачамі з'яўляюцца:

       - выяўленне агульных праблем у галіне рэгулявання ядзернай і радыяцыйнай бяспекі; - вызначэнне агульнага падыходу да рэгулявання ядзернай і радыяцыйнай бяспекі аб'ектаў выкарыстання атамнай энергіі;

      - павышэнне эфектыўнасці, якасці і адкрытасці дзейнасці органаў рэгулявання ядзернай і радыяцыйнай бяспекі.

- вызначэнне агульнага падыходу да рэгулявання ядзернай і радыяцыйнай бяспекі аб'ектаў выкарыстання атамнай энергіі;

- павышэнне эфектыўнасці, якасці і адкрытасці дзейнасці органаў рэгулявання ядзернай і радыяцыйнай бяспекі.

Двухбаковае супрацоўніцтва

Дзяржатамнагляд рэалізуе мерапрыемствы двухбаковага супрацоўніцтва па розных напрамках рэгулявання ядзернай і радыяцыйнай бяспекі ў рамках пагадненняў (міжурадавых, міжведамасных, іншых) з замежнымі партнёрамі з 19 краін: Аўстрыі, Арменіі, Венгрыі, В'етнама, Германіі, Латвіі, Літвы, ААЭ, Польшчы, Паўночнай Еўропы (Нарвегія, Фінляндыя, Швецыя), Славакіі, Славеніі, Турцыі, Узбекістана, Украіны, Францыі.

Першачарговым прыярытэтам з'яўляецца ўзаемадзеянне з арганізацыямі Расійскай Федэрацыі, уцягнутымі ў забеспячэнне ядзернай і радыяцыйнай бяспекі, асабліва з рэгулючым органам – Федэральнай службай па экалагічным, тэхналагічным і атамным наглядзе.

Што датычыцца іншых дзяржаў, прыярытэт ва ўстанаўленні і развіцці двухбаковага супрацоўніцтва па пытаннях забеспячэння ядзернай і радыяцыйнай бяспекі аддаецца краінам-суседзям Рэспублікі Беларусь, а таксама краінам з развітой ядзернай энергетыкай і, у прыватнасці, маштабам ядзерных энергетычных праграм, якія маюць супастаўныя з Беларуссю.