Палітыка Дэпартамента па ядзернай і радыяцыйнай бяспецы Міністэрства па надзвычайных сітуацыях Рэспублікі Беларусь

Дэпартамент па ядзернай і радыяцыйнай бяспецы Міністэрства па надзвычайных сітуацыях Рэспублікі Беларусь (Дзяржатамнагляд) усведамляе адказнасць пры ажыццяўленні функцый дзяржаўнага рэгулявання і кантролю за выкананнем заканадаўства ў сферы забеспячэння ядзернай і радыяцыйнай бяспекі.

У галіне выкарыстання атамнай энергіі і крыніц іанізуючага выпраменьвання Дзяржатамнагляд ажыццяўляе ва ўстаноўленым парадку дзяржаўны нагляд, нарматыўна-прававое рэгуляванне, ацэнку бяспекі, ліцэнзійную (дазвольную) дзейнасць і ўдзельнічае ў забеспячэнні аварыйнай гатоўнасці і інфармаванні зацікаўленых бакоў.

Дзяржатамнагляд прымае на сябе наступныя абавязацельствы:

служыць абароне насельніцтва і навакольнага асяроддзя ад шкоднага ўздзеяння іянізавальнага выпраменьвання;
дзейнічаць у інтарэсах грамадства ў строгай адпаведнасці з заканадаўствам Рэспублікі Беларусь і абавязацельствамі, прынятымі Рэспублікай Беларусь у рамках міжнародных абавязацельстваў;
забяспечваць у сваёй дзейнасці выкарыстанне комплекснага падыходу да рэгулявання ў галіне ядзернай і радыяцыйнай бяспекі, гарантаваць устойлівасць ажыццяўлення функцый дзяржаўнага рэгулявання, забяспечваючы іх рэзультатыўнасць і эфектыўнасць на сістэмнай аснове;
прымаць незалежныя, аб'ектыўныя і заснаваныя на фактычных дадзеных рашэнні з улікам прыярытэту бяспекі;
пастаянна ўдасканальваць інтэграваную сістэму кіравання Дзяржатамнагляду на аснове яе сістэматычнай ацэнкі;
інфармаваць грамадства адкрыта і празрыста па пытаннях ядзернай і радыяцыйнай бяспекі;
удасканальваць прафесійныя кампетэнцыі работнікаў Дзяржатамнагляду і спецыялістаў сістэмы арганізацый навукова-тэхнічнай падтрымкі;
садзейнічаць і заахвочваць уцягнутасць усіх работнікаў Дзяржатамнагляду ў фарміраванне атмасферы адкрытасці пры абмеркаванні пытанняў бяспекі;
служыць узорам у развіцці і падтрыманні высокага ўзроўню культуры бяспекі.

Поспехам заяўленай палітыкі лічыць яе прыняцце і выкананне кожным супрацоўнікам Дзяржатамнагляду.

Начальнік Дзяржатамнагляду В.М.Лугаўская