Адбылася рабочая нарада па пытанні рэалізацыі Стратэгіі абыходжання з радыеактыўнымі адходамі

27 жніўня Дзяржатамнагляд правёў рабочую нараду з удзелам дзяржаўных органаў і арганізацый па пытанні рэалізацыі падыходаў, закладзеных Стратэгіяй абыходжання з радыёактыўнымі адходамі.

Стратэгія абыходжання з радыёактыўнымі адходамі зацверджана пастановай Савета Міністраў Рэспублікі Беларусь ад 15 лютага 2023 г. № 128. У ёй сфармуляваны асноўныя напрамкі ўдасканалення нацыянальнай сістэмы абыходжання з радыёактыўнымі адходамі.

Вопыт прымянення названай Стратэгіі выявіў асобныя пытанні, якія падлягаюць абмеркаванню з удзелам прадстаўнікоў Міністэрства энергетыкі, Белэнерга, БелАЭС, БелРАА, Белнiпіэнергапрам, навуковай установы "АІЭЯД – Сосны", спецыялізаванага прадпрыемства "Экарэс", Міжнароднага дзяржаўнага экалагічнага інстытута імя А.Д.Сахарава БДУ, Беларускага дзяржаўнага тэхналагічнага ўніверсітэта.

Удзельнікі нарады абмеркавалі прадстаўленыя аб'ёмы і прагнозныя разлікі ўтварэння радыеактыўных адходаў з улікам вопыту эксплуатацыі Беларускай АЭС, прааналізавалі магутнасці сховішчаў радыёактыўных адходаў Беларускай АЭС з улікам іх фактычнага запаўнення, разгледзелі магчымасць часовага захоўвання эксплуатацыйных радыёактыўных адходаў на тэрыторыі спецыялізаванага прадпрыемства па абыходжанні з радыёактыўнымі адходамі "Экарэс", а таксама падыходы якія рэгулююць вызваленне ад кантролю матэрыялаў і рэчываў, якія змяшчаюць радыёнукліды.

Былі закрануты пытанні, якія тычацца выбару пляцоўкі для размяшчэння пункта пахавання радыёактыўных адходаў. Прадстаўнікі Дзяржатамнагляду звярнулі ўвагу на неабходнасць уліку асаблівасцей тэрыторыі Рэспублікі Беларусь, а таксама вынікаў праведзеных выпрабаванняў у залежнасці ад глыбіні залажэння аб'екта выкарыстання атамнай энергіі і дадатковай нагрузкі ад гэтага збудавання, якія вызначаюцца ў кожным канкрэтным выпадку адпаведнай праграмай пошукаў. Бяспека аб'екта з улікам яго размяшчэння будзе падцверджана ацэнкай бяспекі. Дадзены падыход дазваляе ўлічваць разнавіднасць грунта і ўмовы канкрэтнай пляцоўкі.

У ходзе абмеркавання абазначаных пытанняў, а таксама мерапрыемстваў, накіраваных на збудаванне пункта пахавання радыеактыўных адходаў, прысутныя адзначылі мэтазгоднасць актуалізацыі асобных палажэнняў Стратэгіі абыходжання з радыё актыўнымі адходамі ў адпаведнасці з назапашанай практыкай.