Дэпартамент па ядзернай і радыяцыйнай бяспецы
Дзяржатамнагляд увайшоў у склад дарадчай рады базавай арганізацыі СНД па развіцці нацыянальных ядзерных інфраструктур
У ходзе работы быў прадстаўлены склад Дарадчага органа, у які ўвайшлі 2 работнікі Дзяржатамнагляду. Разгледжаны і ўзгоднены па сутнасці рэдакцыі дакументаў, якія рэгламентуюць дзейнасць Дарадчага органа і Базавай арганізацыі.
Асобная ўвага была ўдзелена разгляду праекта плана работы Базавай арганізацыі на 2025 год. У ходзе абмеркаванняў прапанаваныя Дзяржатамнаглядам ініцыятывы былі падтрыманы і прыняты.
Пасяджэнне праходзіла ў анлайн-фармаце. У мерапрыемстве прымалі ўдзел прадстаўнікі розных органаў дзяржаўнага кіравання і арганізацый краін СНД, а таксама Выканаўчага камітэта СНД.
Даведачна:
Базавая арганізацыя дзяржаў - удзельніц Садружнасці Незалежных Дзяржаў па пытаннях развіцця нацыянальных ядзерных інфраструктур была створана рашэннем Эканамічнага Савета СНД 8 снежня 2023 года. Асноўнай мэтай Базавай арганізацыі з'яўляецца аказанне садзейнічання профільным органам, ведамствам і арганізацыям, якія ўдзельнічаюць у развіцці нацыянальных ядзерных інфраструктур дзяржаў-удзельніц СНД.
Дарадчы орган Базавай арганізацыі - грамадская рада з ліку ўпаўнаважаных прадстаўнікоў профільных органаў, ведамстваў і арганізацый дзяржаў - удзельніц СНД. Асноўная мэта Дарадчага органа - вызначэнне стратэгічных напрамкаў дзейнасці і зацвярджэнне штогадовых планаў работы Базавай арганізацыі.
Іншыя навіны
