Навіны

Стартавала сацыяльна-творчая праграма "У будучыню - з надзеяй"

11 красавіка стартавала сацыяльна-творчая праграма "У будучыню - з надзеяй" для жыхароў, якія пражываюць на тэрыторыях, якія падвергліся радыеактыўнаму забруджванню ў выніку катастрофы на Чарнобыльскай АЭС. Мерапрыемствы праграмы будуць праходзіць з красавіка па чэрвень ў раёнах Брэсцкай, Гомельскай, Магілёўскай, Гродзенскай і Мінскай абласцей.

Арганізатарамі выступаюць Дзяржатамнагляд і Міністэрства культуры пры падтрымцы Беларускага фонду міру, раённых выканаўчых камітэтаў Брэсцкай, Магілёўскай, Гомельскай, Гродзенскай і Мінскай абласцей. Фінансаванне праграмы ажыццяўляецца, у тым ліку, за кошт Дзяржаўнай праграмы па пераадоленні наступстваў катастрофы на Чарнобыльскай АЭС на 2021 – 2025 гады.

Праграма праводзіцца з 1986 года і накіравана на захаванне традыцыйных каштоўнасцей беларускага народа, культурнай спадчыны рэгіёнаў, выяўленне і падтрыманне таленавітых дзяцей і падлеткаў, якія жывуць на пацярпелых тэрыторыях.

Штогод у праграме бяруць удзел майстры мастацтваў Беларусі, лепшыя творчыя калектывы і выканаўцы Белдзяржфілармоніі, вядомыя кампазітары, мастакі і паэты. Канцэрты праходзяць як у раённых цэнтрах, так і ў сельскіх населеных пунктах, а таксама на адкрытых пляцоўках. У рамках праграмы на адной сцэне з вядомымі артыстамі і выканаўцамі выступаюць таленавітыя дзеці і падлеткі (вакалісты, інструменталісты, чытальнікі, творчыя калектывы, мастакі).

За час існавання праграмы свой талент і творчыя дасягненні паказалі больш за дванаццаць тысяч дзяцей, многія з якіх сёння ўжо працуюць у канцэртных калектывах, выкладаюць у навучальных установах мастацтваў, з'яўляюцца пераможцамі міжнародных конкурсаў і фестываляў.

Досвед, набыты падчас удзелу ў дадзенай праграме, адкрые падрастаючаму пакаленню дарогу ў вялікае жыццё.

Сёлета праграма будзе праходзіць 38-ы раз па тэме "Беларусь – краіна свету" і прысвечана 80-годдзю вызвалення Беларусі ад нямецка-фашысцкіх захопнікаў і Перамогі савецкага народа ў Вялікай Айчыннай вайне.

Часцінку свайго цяпла і выдатны настрой гледачам і ўдзельнікам падараць заслужаны калектыў Рэспублікі Беларусь фальклорны гурт "Купалінка", спявачка Улада, музычны прадзюсер Дзмітрый Грэк, аўтар-выканаўца Васіль Сушко, кампазітар Аляксандр Балотнік, удзельнікі беларускага музычнага шоу талентаў "Фактар.BY", дырэктар Першай прадзюсарскай кампаніі Сяргей Мінскі.