Кіраўніцтва Дзяржатамнагляду прыняло ўдзел у мерапрыемствах па фізічным пуску энергаблока № 2 Беларускай АЭС
Сёння з улікам прынятага калегіяй Міністэрства па надзвычайных сітуацыях рашэння аб выдачы ліцэнзіі ДП "Беларуская АЭС" на пачатак фізічнага пуску энергаблока № 2 пачата загрузка актыўнай зоны рэактара цеплавыдзяляльнымі зборкамі са свежым ядзерным палівам.
Кантроль за выкананнем гэтых работ ажыццяўляецца інспектарамі аддзела Дзяржатамнагляду на пляцоўцы Беларускай АЭС. Удзел у наглядных мерапрыемствах таксама прыняла начальнік Дзяржатамнагляду Вольга Лугаўская.