Аб выніках разгляду дакументаў на пачатак фізічнага пуску энергаблока № 2 Беларускай АЭС
На пасяджэнні Камісіі Дзяржатамнагляду па пытаннях ліцэнзавання дзейнасці ў галіне выкарыстання атамнай энергіі і крыніц іанізуючага выпраменьвання разгледжаны дакументы, якія абгрунтоўваюць бяспеку Беларускай АЭС, уключаючы экспертныя заключэнні і вынікі комплекснай праверкі ДП "Беларуская АЭС", на прадмет выдачы ліцэнзіі на пачатак фізічнага пуску энергаблока №2.
Па выніках абмеркавання Камісіяй прынята рашэнне аб падрыхтоўцы дакументаў для ўнясення адпаведных змяненняў у ліцэнзію ДП "Беларуская АЭС" у галіне выкарыстання атамнай энергіі і крыніц іанізуючага выпраменьвання.