Навіны

Дзяржатамнагляд прадставіў вопыт падрыхтоўкі і правядзення грамадскіх слуханняў на пасяджэнні RCF

З 30 лістапада па 2 снежня 2021 года ў віртуальным фармаце праходзіць пасяджэнне Форуму супрацоўніцтва рэгулятараў (RCF), у якім прымае ўдзел Дзяржатамнагляд нараўне з прадстаўнікамі рэгулюючых органаў Бангладэш, Ганы, Егіпта, Іарданіі, Марока, Нігерыі, ААЭ, Польшчы, Судана, ЗША і Турцыі. Задачамі мерапрыемства з'яўляюцца абмен досведам па агульных пытаннях развіцця рэгулюючай інфраструктуры і выяўленне перадавых практык, а таксама агляд прагрэсу ў рашэнні агульных пытанняў, прадугледжаных Стратэгічным планам RCF.

1 снежня Дзяржатамнагляд прадставіў удзельнікам пасяджэння вопыт падрыхтоўкі і правядзення грамадскіх слуханняў перад прыняццем важных рэгулюючых рашэнняў у Рэспубліцы Беларусь. Першыя па лініі рэгулюючага органа ў галіне ядзернай і радыяцыйнай бяспекі грамадскія слуханні былі праведзены Дзяржатамнаглядам 30 красавіка 2021 года перад прыняццем рашэння аб выдачы ліцэнзіі на эксплуатацыю энергаблока нумар 1 Беларускай АЭС. Мерапрыемства было арганізавана ў “гібрыдным” фармаце з 9 актыўнымі студыямі, аб'яднанымі з дапамогай відэаканферэнцсувязі. У ім удзельнічалі 148 чалавек. Прадстаўнікі грамадскасці зрабілі 16 выступаў, задалі 74 пытанні. Падрабязную інфармацыю аб згаданых грамадскіх слуханнях і іх выніках глядзі тут.

Беларускі рэгулюючы орган у галіне ядзернай і радыяцыйнай бяспекі рэгулярна вывучае міжнародны вопыт, у тым ліку шляхам удзелу ў міжнародных аб'яднаннях рэгулюючых органаў для ўдасканалення сістэмы ядзернай і радыяцыйнай бяспекі ў Беларусі і яе асобных кампанентаў. Атрыманая інфармацыя прымяняецца пры распрацоўцы дакументаў стратэгічнага планавання Дзяржатамнагляду, фарміраванні праектаў, праграм і мерапрыемстваў міжнароднага тэхнічнага супрацоўніцтва.

Для даведкі.

Форум супрацоўніцтва рэгулятараў (Regulatory Cooperation Forum, RCF) утвораны ў 2010 годзе ў адказ на запыт краін-членаў МАГАТЭ аб стварэнні пляцоўкі для каардынацыі дапамогі ў пабудове рэгулюючай інфраструктуры ядзернай бяспекі з боку краін з развітой ядзернай энергетыкай дзяржавам, якія плануюць або пачынаюць рэалізацыю сваіх ядзерных праграм. RCF аб'ядноўвае каля 30 краін.

Рэспубліка Беларусь далучылася да Форума ў 2012 годзе.