Пост-місія IRRS пройдзе ў Беларусі з 5 па 13 снежня 2021 года

У перыяд з 5 па 13 снежня 2021 года Беларусь прыме пост-місію МАГАТЭ па комплекснай ацэнцы рэгулюючай інфраструктуры ядзернай і радыяцыйнай бяспекі (пост-місія IRRS). Дзяржатамнагляд каардынуе падрыхтоўку да яе.

Кіраўніком пост-місіі IRRS з'яўляецца Джордж Шварц (Georg Schwarz) – прадстаўнік Швейцарскай федэральнай інспекцыі па ядзернай бяспецы (ENSI). Каманда экспертаў складаецца з 13 чалавек, якія прадстаўляюць кампетэнтныя арганізацыі Грэцыі, Пакістана, Расійскай Федэрацыі, ЗША, Фінляндыі, Швейцарыі, а таксама Міжнароднае агенцтва па атамнай энергіі. З беларускага боку з імі будуць працаваць прадстаўнікі Дзяржатамнагляду, дзяржаўнай навуковай тэхнічнай установы “Цэнтр па ядзернай і радыяцыйнай бяспецы”, Міністэрства прыродных рэсурсаў і аховы навакольнага асяроддзя, Міністэрства аховы здароўя, Міністэрства замежных спраў Рэспублікі Беларусь.

Задачай маючай адбыцца пост-місіі з'яўляецца агляд выканання рэкамендацый і прапаноў місіі IRRS, якая прайшла ў Рэспубліцы Беларусь у кастрычніку 2016 года.

Праграма працы пост-місіі ўключае ўступную нараду з прадстаўнікамі зацікаўленых органаў дзяржаўнага кіравання і арганізацый Рэспублікі Беларусь, інтэрв'юяванне беларускіх кіраўнікоў па напрамках (модулях) місіі, наведванне пляцоўкі Беларускай АЭС, падрыхтоўку і абмеркаванне з беларускім бокам праекта справаздачы, які будзе прадстаўлены на заключнай нарадзе 13 снежня 2021 года. Непасрэдна пасля гэтага мерапрыемства кіраўніцтва пост-місіі і прадстаўнікі беларускага боку паразмаўляюць з прэсай.

Напярэдадні правядзення пост-місіі Дзяржатамнагляд сумесна з зацікаўленымі правёў самаацэнку і накіраваў адпаведныя матэрыялы ў МАГАТЭ ў пачатку кастрычніка 2021 года.

Правядзенне пост-місіі IRRS прадоўжыць паслядоўныя дзеянні Рэспублікі Беларусь па запрашэнню ў краіну міжнародных ацэначных місій і партнёрскіх праверак, вынікі якіх выкарыстоўваюцца для далейшага ўдасканалення створанай з нашай краіне інфраструктуры ядзернай і радыяцыйнай бяспекі і яе асобных кампанентаў на аснове рэкамендацый МАГАТЭ і лепшага міжнароднага вопыту.

Даведачна.

Місія IRRS была праведзена ў Беларусі ў 2016 годзе. Больш за 20 экспертаў на чале з Генеральным дырэктарам Фінскага агенцтва па ядзернай бяспецы (STUK) Петтэры Тііппана ўсебакова вывучылі рэгулюючую інфраструктуру краіны і дзейнасць на прадмет іх адпаведнасці рэкамендацыям МАГАТЭ. Група экспертаў IRRS прыйшла да высновы, што ў Беларусі створана рэгулюючая інфраструктура ядзернай і радыяцыйнай бяспекі, у ходзе місіі прадэманстравана цвёрдая прыхільнасць да рэалізацыі прынцыпаў забеспячэння ядзернай і радыяцыйнай бяспекі. Эксперты адзначылі 2 станоўчыя практыкі, сфармулявалі 25 рэкамендацый і 20 прапаноў па далейшым удасканаленні рэгулюючай інфраструктуры ядзернай і радыяцыйнай бяспекі і яе асобных кампанентаў, якія паслужылі асновай для распрацоўкі адпаведнага Нацыянальнага плана мерапрыемстваў. Справаздача місіі IRRS 2016 года размешчана ў адкрытым доступе на Інтэрнэт-рэсурсе Дзяржатамнагляду.