Справаздача аб партнёрскім аглядзе Нацыянальнага плана дзеянняў па выніках правядзення стрэс-тэстаў БелАЭС ўхвалена на пленарным пасяджэнні ENSREG

24 лістапада 2021 года адбылося пленарнае пасяджэнне Еўрапейскай групы рэгулюючых органаў ядзернай бяспекі (European Nuclear Safety Regulators Group, ENSREG), у якім Дзяржатамнагляд прыняў удзел па відэаканферэнцсувязі ў якасці назіральніка. На мерапрыемстве абмеркаваны актуальныя пытанні рэгулявання ядзернай бяспекі, у тым ліку Справаздача ENSREG аб партнёрскім аглядзе Нацыянальнага плана дзеянняў па выніках правядзення стрэс-тэстаў Беларускай АЭС. Па выніках абмеркавання Справаздача была ўхвалена.

У Справаздачы ENSREG адзначана, што ў Нацыянальным плане дзеянняў знайшлі адлюстраванне ўсе рэкамендацыі ENSREG 2018 года, якія былі сфармуляваны па выніках партнёрскай праверкі Нацыянальнага даклада аб стрэс-тэстах Беларускай АЭС.

Усе дзеянні, якія Дзяржатамнагляд і Беларуская АЭС вырашылі распачаць, адпавядаюць сутнасці рэкамендацый ENSREG 2018 года.

З 22 рэкамендацый, выкладзеных у Справаздачы ENSREG 2018 года, 17 былі рэалізаваны поўнасцю і могуць лічыцца выкананымі. Дзеянні, злучаныя з 5 рэкамендацыямі, выконваюцца і адпавядаюць істы рэкамендацый ENSREG. Дзяржатамнагляд і Беларуская АЭС паскорылі выкананне некалькіх дзеянняў у параўнанні з першапачатковым графікам.

Эксперты ENSREG лічаць, што ў выкананні Нацыянальнага плана дзеянняў дасягнуты сур'ёзны прагрэс.

Асобна адзначана адкрытасць і транспатэнтнасць беларускага боку, у тым ліку публікацыя Нацыянальнага плана дзеянняў у адкрытым доступе на Інтэрнет-рэсурсе Дзяржатамнагляду, а таксама паслядоўнае асвятленне Дзяржатамнаглядам розных этапаў партнёрскага агляду на сваім Інтэрнет-рэсурсе і з прыцягненнем СМІ.

Начальнік Дзяржатамнагляду Вольга Лугаўская падзякавала камандзе ENSREG на чале з яе кіраўніком Петтэры Тііппана за канструктыўнае і плённае супрацоўніцтва і сумесную работу на ўсіх этапах партнёрскага агляду, інфармавала, што ў Нацыянальны план дзеянняў у лістападзе бягучага года ўнесены дапаўненні, якія сфармаваны з улікам вынікаў рэалізацыі яго мерапрыемстваў у 2019 – 2021 гадах, а таксама па выніках узаемадзеяння з экспертамі ENSREG ў рамках партнёрскага агляду 2020 – 2021 гадоў. Начальнік Дзяржатамнагляду запэўніла, што ўсе мерапрыемствы Нацыянальнага плана дзеянняў будуць выкананы ва ўстаноўленыя тэрміны і пад наглядам беларускага рэгулюючага органа.

Справаздача ENSREG, а таксама адпаведны прэс-рэліз апублікаваны на Інтэрнэт-сайце ENSREG. З дакументам (у тым ліку яго версіяй на рускай мове) можна таксама азнаёміцца ў спецыяльным раздзеле Інтэрнэт-рэсурсу Дзяржатамнагляду тут.

Даведачна:

ENSREG – гэта незалежная экспертная кансультатыўная група, створаная ў 2007 годзе па рашэнні Еўрапейскай камісіі. У яе склад уваходзяць высокапастаўленыя службовыя асобы нацыянальных рэгулюючых органаў па ядзернай бяспецы, бяспецы радыеактыўных адходаў і па радыяцыйнай абароне, а таксама асобы з дзяржаў-членаў Еўрапейскага саюза, якія валодаюць кампетэнцыяй у гэтых галінах, і прадстаўнікі Еўрапейскай камісіі. Беларусь у асобе Дзяржатамнагляду запрошана ў ENSREG у якасці назіральніка ў 2018 годзе.

Стрэс-тэсты Беларускай АЭС праведзены ў 2016-2018 гадах па працэдуры Еўрапейскага саюза і ўключалі тры этапы: самаацэнку Беларускай АЭС, нацыянальную ацэнку і партнёрскую праверку Еўрапейскай групы рэгулюючых органаў ядзернай бяспекі ENSREG. У 2019 годзе Дзяржатамнагляд сумесна з зацікаўленымі сфармаваў адпаведны Нацыянальны план дзеянняў.