Беларусь прымае місію МАГАТЭ па пытаннях фізічнай абароны аб'ектаў выкарыстання атамнай энергіі
28 чэрвеня 2021 года ў Беларусі пачала працу кансультатыўная місія Міжнароднага агенцтва па атамнай энергіі (МАГАТЭ) па пытаннях фізічнай абароны аб'ектаў выкарыстання атамнай энергіі (місія IPPAS). У цэнтры ўвагі місіі – нацыянальны рэжым забеспячэння фізічнай ядзернай бяспекі ядзернага матэрыялу і ядзерных установак, сістэмы фізічнай абароны ядзернай ўстаноўкі, сістэмы забеспячэння фізічнай абароны ядзернага матэрыялу пры яго транспарціроўцы, інфармацыйная і кампутарная бяспека.
Місія IPPAS, роўна як і іншыя ацэначныя місіі і партнёрскія праверкі, праводзіцца на добраахвотнай аснове і па запрашэнні Рэспублікі Беларусь. Адпаведная падрыхтоўчая праца ў краіне была ажыццеўлена Дзяржатамнаглядам сумесна з зацікаўленымі.
Кіраўніком місіі IPPAS ў Беларусі з'яўляецца прадстаўнік ЗША Джозэф Сандовал (Joseph Sandoval), у каманду таксама ўваходзяць эксперты з МАГАТЭ, Вялікабрытаніі, Францыі, Швейцарыі, Расійскай Федэрацыі, Балгарыі і Украіны. На працягу двух тыдняў яны будуць вывучаць прававыя асновы забеспячэння фізічнай ядзернай бяспекі, ліцэнзаванне і дазвольную дзейнасць у галіне выкарыстання атамнай энергіі, ажыццяўленне наглядных і кантрольных мерапрыемстваў у дачыненні аб'ектаў выкарыстання атамнай энергіі, ажыццяўленне ахоўнай дзейнасці, рэагаванне на несанкцыянаваныя дзеянні ў дачыненні аб'ектаў выкарыстання атамнай энергіі , забеспячэнне фізічнай абароны ядзернага матэрыялу пры транспарціроўцы і іншыя пытанні. Запланаваны рабочыя абмеркавання з прадстаўнікамі беларускага боку, інтэрв'юіраванне адказных работнікаў арганізацый, уцягнутых у забеспячэнне фізічнай абароны, праца з дакументамі, наведванне пляцоўкі Беларускай АЭС.
Місія IPPAS завершыцца 9 ліпеня 2021 года. Па выніках яе правядзення каманда экспертаў падрыхтуе адпаведную справаздачу.
Галоўнае чаканне беларускага боку – атрымаць кампетэнтныя рэкамендацыі для ўдасканалення сістэмы фізічнай абароны аб'ектаў выкарыстання атамнай энергіі ў Рэспубліцы Беларусь, для наступнай работы па падтрыманню на высокім узроўні стандартаў бяспекі ў нашай краіне.
Рэспубліка Беларусь ажыццяўляе паслядоўную працу па запрашэнні ацэначных місій і партнёрскіх праверак, вынікі якіх становяцца асновай для распрацоўкі адпаведных нацыянальных планаў мерапрыемстваў, накіраваных на ўдасканаленне сістэмы ядзернай і радыяцыйнай бяспекі і яе асобных кампанентаў на аснове міжнародных стандартаў бяспекі.
Беларусь ужо прыняла шэраг місій МАГАТЭ, у тым ліку па лініі рэгулюючага органа ў галіне ядзернай і радыяцыйнай бяспекі – місію па комплекснай ацэнцы рэгулюючай інфраструктуры ядзернай і радыяцыйнай бяспекі (місія IRRS) ў 2016 годзе, па пытаннях аварыйнай гатоўнасці і рэагавання (місія EPREV) ў 2018 годзе, па пытаннях ўліку і кантролю ядзернага матэрыялу (місія ISSAS) ў 2019 годзе. У краіне таксама адбыліся дзве місіі па комплекснай ацэнцы інфраструктуры ядзернай энергетыкі ў цэлым, уключаючы рэгулюючую аснову (місія INIR) у 2012 і 2020 гадах. У канцы 2021 года адбудзецца пост-місія IRRS, якая ацэніць прагрэс у справе выканання рэкамендацый місіі IRRS 2016 года.
Па дадатковую інфармацыю звяртацца да намесніка начальніка Дзяржатамнагляду Аляксандра Дакучаева, тэл. (+375 17) 343-58-40.