Дэпартамент па ядзернай і радыяцыйнай бяспецы
Дзяржатамнагляд прыняў удзел у адкрыцці Міжнароднай навуковай канферэнцыі «Сахараўскія чытанні 2021: экалагічныя праблемы XXI стагоддзя»
20 мая 2021 г. у Міжнародным дзяржаўным экалагічным інстытуце ім. А.Д.Сахарава БДУ (г. Мінск) пачала працу Міжнародная навуковая канферэнцыя «Сахараўскія чытанні 2021: экалагічныя праблемы XXI стагоддзя». У адкрыцці канферэнцыі прыняла ўдзел начальнік Дзяржатамнагляду Вольга Лугаўская.
Звяртаючыся да ўдзельнікаў, Вольга Лугаўская адзначыла, што правядзенне канферэнцыі стала шматгадовай традыцыяй. Пытанні радыяцыйнай бяспекі нязменна прысутнічаюць у яе тэматыцы, што абумоўлівае цікавасць Дзяржатамнагляду да гэтага мерапрыемства.
Начальнік Дэпартамента падкрэсліла, што Міжнародны дзяржаўны экалагічны інстытут ім. А.Д.Сахарава БДУ ўваходзіць у сістэму тэхнічнай падтрымкі рэгулюючага органа ў галіне ядзернай і радыяцыйнай бяспекі, якая аб'ядноўвае 17 вядучых навуковых арганізацый і ВНУ нашай краіны. Інстытут з'яўляецца пастаўшчыком маладых, разумных, таленавітых, дасведчаных спецыялістаў для ядзернай галіны ў цэлым і для Дзяржатамнагляду ў прыватнасці. Магчымасць удзелу ў навуковых канферэнцыях, падобнай цяперашняй, з'яўляецца добрым укладам у іх прафесійнае станаўленне і далейшае развіццё.
Вольга Лугоўская пажадала ўдзельнікам Міжнароднай навуковай канферэнцыі «Сахараўскія чытанні 2021: экалагічныя праблемы XXI стагоддзя» здароўя, плённай працы і дыскусій, канструктыўнага абмену навуковымі ідэямі.
Іншыя навіны
