Дэпартамент па ядзернай і радыяцыйнай бяспецы
Прыёмка ў эксплуатацыю пускавых комплексаў блокаў Беларускай АЭС будзе адбывацца пры дасягненні поўнай гатоўнасці ГП «Беларуская АЭС» як эксплуатуючай арганізацыі і пасля атрымання ліцэнзіі на эксплуатацыю
У кантэксце выдання пастановы Савета Міністраў Рэспублікі Беларусь ад 3 лютага 2021 г. № 71, якой зацверджана Палажэнне аб парадку прыёмкі ў эксплуатацыю пускавых комплексаў блокаў Беларускай атамнай электрастанцыі, Дзяржатамнагляд звяртае ўвагу, што прыёмка ў эксплуатацыю энергаблока будзе ажыццяўляцца пры дасягненні поўнай гатоўнасці ДП “Беларуская АЭС” як эксплуатуючай арганізацыі і пасля атрымання ліцэнзіі на эксплуатацыю.
Палажэннем прадугледжана, што адпаведнасць прыманага ў эксплуатацыю пускавога комплексу блока АЭС дазвольнай дакументацыі, праектнай і працоўнай дакументацыі ў частцы ядзернай і радыяцыйнай бяспекі пры ажыццяўленнi дзейнасцi па выкарыстаннi атамнай энергіі пацвярджаецца спецыяльным дазволам (ліцэнзіяй) на права ажыццяўлення дзейнасці ў галіне выкарыстання атамнай энергіі і крыніц іанізуючага выпраменьвання, выдадзеных эксплуатуючай арганізацыі.
У сваю чаргу, выдача ліцэнзіі на эксплуатацыю энергаблока грунтуецца на двух асноватворных працэсах – экспертызе дакументаў, якiя абгрунтоўваюць бяспеку, і ацэнцы адпаведнасці заяўніка (ГДП “Беларуская АЭС”) ліцэнзійным патрабаванням і ўмовам.
Пры правядзенні ацэнкі адпаведнасці Дзяржатамнагляд павінен будзе пераканацца ў тым, што ДП “Беларуская АЭС” здольнае самастойна устойліва і бяспечна эксплуатаваць энергаблок і ў поўнай меры здольна выканаць функцыі эксплуатуючай арганізацыі, да чаго прадпрыемства рыхтавалася доўгі час.
Для дасягнення гатоўнасці самастойна устойліва і бяспечна эксплуатаваць энергаблок ДП «Беларуская АЭС» сумесна з генпадрадчыкам распрацаваны і рэалізуецца ва ўстаноўленыя тэрміны адпаведны план мерапрыемстваў.
Перад прыёмкай блока АЭС ДП “Беларуская АЭС” актам пацвердзіць сваю ўласную гатоўнасць да гэтага.
Іншыя навіны
