Навіны

Студэнты БДУ, МГЭІ ім. А.Д.Сахарава БДУ і БДУІР пазнаёміліся з работай Дзяржатамнагляда

13 снежня 2019 года ў Дэпартаменце па ядзернай і радыяцыйнай бяспецы Міністэрства па надзвычайных сітуацыях Рэспублікі Беларусь (Дзяржатамнаглядзе) праведзены другі дзень адчыненых дзвярэй, у якім прынялі ўдзел студэнты і выкладчыкі беларускіх ВНУ, якія ажыццяўляюць падрыхтоўку спецыялістаў для ядзернай галіны Рэспублікі Беларусь: Беларускага дзяржаўнага ўніверсітэта (спецыяльнасць «Ядзерныя фізіка і тэхналогіі»), Міжнароднага дзяржаўнага экалагічнага інстытута ім. А.Д.Сахарава Беларускага дзяржаўнага універсітэта (спецыяльнасці «Ядзерная і радыяцыйная бяспека» і «Медыцынская фізіка»), Беларускага дзяржаўнага універсітэта інфарматыкі і радыёэлектронікі (факультэт радыётэхнікі і электронікі). Першае такое мерапрыемства праведзена ў Дзяржатамнаглядзе тыднем раней, 6 снежня 2019 года.

Дні адчыненых дзвярэй праводзяцца ў дэпартаменце з мэтай ўстанаўлення прамых камунікацый па ўвядзенні ў прафесію паміж рэгулюючым органам у галіне забеспячэння ядзернай і радыяцыйнай бяспекі і моладдзю, якая навучаецца.

У ходзе мерапрыемства кіраўніцтва і работнікі Дзяржатамнагляда распавялі, як ўладкована рэгуляванне ядзернай і радыяцыйнай бяспекі ў Беларусі, што з сябе ўяўляе і якія задачы вырашае Дзяржатамнагляд, якая яго кадравая палітыка, якія арганізацыі аказваюць яму навуковую і тэхнічную падтрымку, якую ролю і функцыі выконвае дэпартамент у сістэме аварыйнай гатоўнасці і рэагавання на ядзерныя і радыяцыйныя аварыі.

Студэнты і выкладчыкі задалі прадстаўнікам Дзяржатамнагляда пытанні, якія іх цікавілі і тычыліся спецыфікі і характару паўсядзённай дзейнасці Дзяржатамнагляду, патрабаванняў да кандыдатаў на працу ў дэпартаменце, абмежаванняў для работнікаў Дзяржатамнагляду, звязаных з дзяржаўнай службай.

Мерапрыемствы ў фармаце дзён адчыненых дзвярэй былі арганізаваны ў Дзяржатамнаглядзе ў снежні 2019 года ўпершыню. У далейшым дэпартамент працягне падобную практыку на рэгулярнай аснове.

Па дадатковую інфармацыю звяртацца да кансультанта Дзяржатамнагляда Алега Собалева, тэл. (8-017) 272-92-16