Дэпартамент па ядзернай і радыяцыйнай бяспецы
Пытанні ажыццяўлення гарантый МАГАТЭ абмеркаваны на семінары ў Мінску
2-5 снежня 2019 года прадстаўнікі Міністэрства энергетыкі ЗША і Міжнароднага агенцтва па атамнай энергіі (МАГАТЭ) ва ўзаемадзеянні з Дзяржатамнаглядам падрыхтавалі і правялі семінар у Мінску для арганізацый з ядзернымі матэрыяламі малых колькасцяў па пытаннях ажыццяўлення гарантый МАГАТЭ. З беларускага боку ў мерапрыемстве прынялі ўдзел работнікі органаў дзяржаўнага кіравання, залучаныя ў рэгуляванне дзейнасцi па выкарыстаннi атамнай энергіі, спецыялісты па ўліку і кантролі ядзерных і радыеактыўных матэрыялаў прадпрыемстваў і арганізацый, а таксама прадстаўнікі спецыялізаваных устаноў навукі і адукацыі.
У ходзе семінара разгледжаны шырокі пералік тэм, у тым ліку:
абавязацельствы дзяржаў па міжнародных гарантыях ў адпаведнасці з Пагадненнем аб ўсёабдымных гарантыях;
ядзерны паліўны цыкл і пачатковая кропка прымянення гарантый;
элементы дзяржаўнай сістэмы ўліку і кантролю ядзернага матэрыялу: зоны балансу матэрыялу, ключавыя кропкі вымярэння і раўнанне балансу матэрыялу;
вызначэнне фактычна наяўнай колькасці матэрыялу аператарам і праверка фактычна наяўнага матэрыялу ў ходзе інспекцыі МАГАТЭ;
тэндэнцыі ў галіне гарантый МАГАТЭ і перадавы вопыт і інш.
На мерапрыемстве спалучалася паднясенне тэарэтычных матэрыялаў з адпрацоўкай практычных дзеянняў, групавымі прэзентацыямі і абмеркаваннямі.
Пасля семінара беларускія слухачы атрымалі ганаровыя граматы Міністэрства энергетыкі ЗША за праяўленыя веды, вопыт і падтрымку ў правядзенні мерапрыемства.
Для даведкі.
Пагадненне паміж Рэспублікай Беларусь і Міжнародным агенцтвам па атамнай энергіі аб прымяненні гарантый у сувязі з Дагаворам аб нераспаўсюджванні ядзернай зброі заключана 31 жніўня 1995 года.
Беларусь абавязалася «... прыняць гарантыі ў адпаведнасці з палажэннямі дадзенага Пагаднення ў дачыненні да ўсяго зыходнага або спецыяльнага расшчапленнага матэрыялу ва ўсёй мірнай ядзернай дзейнасці ў межах сваёй тэрыторыі, пад сваёй юрысдыкцыяй або пад ажыццяўленнем яе кантроля дзе б там ні было, выключна з мэтай праверкі таго, каб такі матэрыял не перамыкаўся на ядзерную зброю або іншыя ядзерныя выбуховыя прылады.»
Іншыя навіны
