Апублікаваны Нацыянальны план дзеянняў па выніках стрэс-тэстаў БелАЭС
Нацыянальны план дзеянняў па выніках правядзення стрэс-тэстаў Беларускай АЭС (далей - Нацыянальны план) апублікаваны на Інтэрнэт-рэсурсе Дэпартамента па ядзернай і радыяцыйнай бяспецы Міністэрства па надзвычайных сітуацыях Рэспублікі Беларусь. Дакумент змяшчае мерапрыемствы, накіраваныя на павышэнне ўзроўню бяспекі Беларускай АЭС, якія былі сфарміраваны пасля выканання стрэс-тэстаў Беларускай АЭС і партнёрскай праверкі іх вынікаў. Апошняя праведзена Еўрапейскай групай рэгулюючых органаў ядзернай бяспекі ENSREG ў 2017-2018 гадах.
Пры фарміраванні мерапрыемстваў беларускага Нацыянальнага плана і тэрмінаў іх рэалізацыі Дзяржатамнагляд сумесна з зацікаўленымі дэталёва прааналізаваў кожную рэкамендацыю партнёрскай праверкі, пасля чаго выпрацаваў канкрэтныя мерапрыемствы і вызначыў тэрміны іх выканання, зыходзячы з безумоўнага прыярытэту забеспячэння бяспекі. Пры гэтым прынята да ўвагі:
- адсутнасць устаноўленых дэфіцытаў бяспекі Беларускай АЭС і нацэленасць выкладзеных ў Справаздачы аб партнёрскай праверцы рэкамендацый на ўстойлівае павышэнне бяспекі Беларускай АЭС;
- факт, што партнёрская праверка праводзілася ў дачыненні да АЭС, якая будуецца, а да яе праекту ўпершыню ўжываліся крытэры і ацэнкі, прапанаваныя новымі рэкамендацыямі МАГАТЭ 2016 года і WENRA 2014 году;
- працягваючыйся працэс ліцэнзавання эксплуатацыі энергаблока № 1 Беларускай АЭС;
- рэальныя патрэбныя часовыя, людскія і фінансавыя рэсурсы для рэалізацыі дадатковых мерапрыемстваў па ўзмацненні бяспекі;
- тэхнічныя рашэнні праекта АЭС-2006 і яго асаблівасці.
Актуальны статус выканання мерапрыемстваў Нацыянальнага плана прыведзены ў дадатку да дакумента.
Выкананне мерапрыемстваў у сферы адказнасці ГП «Беларуская АЭС» ўзята на кантроль Дзяржатамнаглядам. У сваю чаргу, Дзяржатамнагляд ва ўстаноўленыя тэрміны рэалізуе мерапрыемствы, якія адносяцца да сваёй уласнай кампетэнцыі. Выкананне Нацыянальнага плана ў цэлым кантралюецца на ўзроўні Ўрада. Такім чынам, наладжана цеснае ўзаемадзеянне ўсіх зацікаўленых бакоў па усёабдымнаму выкананню дзеянняў па выніках стрэс-тэстаў Беларускай АЭС і партнёрскай праверкі на аснове рэкамендаванага экспертамі ENSREG прынцыпу «інтэлектуальнага валодання» яе вынікамі.
Па меры рэалізацыі Нацыянальнага плана Дзяржатамнаглядам, як гэта рэкамендавана ў Справаздачы аб партнёрскай праверцы, будзе вызначаны падыход па ацэнцы прагрэсу яго выканання.
Для адкрыцця (загрузкі) Нацыянальнага плана націсніце спасылку /upload/iblock/f65/natsplan-stress_testy.rar.
Для даведкі:
Стрэс-тэсты ўяўляюць сабой разавую пазапланавую ацэнку ўстойлівасці АЭС да экстрэмальных знешніх прыродных уздзеянняў і іх спалучэнні ў кантэксце аварыі на АЭС «Фукусіма-дайити» (Японія). Пры іх правядзенні ацэньвалася наяўнасць «запасаў бяспекі» над патрабаваннямі, усталяванымі нацыянальным заканадаўствам. Пры гэтым патрабаванні нацыянальнага заканадаўства адказваюць стандартам бяспекі МАГАТЭ.