Дэпартамент па ядзернай і радыяцыйнай бяспецы
Дзяржатамнагляд прыняў удзел у рэспубліканскім суботніку
20 красавіка кіраўнікі і работнікі Дэпартамента па ядзернай і радыяцыйнай бяспецы МНС Рэспублікі Беларусь прынялі ўдзел у рэспубліканскім суботніку ў Сосенском лясніцтве, Сацыяльна-педагагічным цэнтры Астравецкага раёна, а таксама на працоўных месцах.
Работнікі Дзяржатамнагляду пасадзілі маладыя саджанцы сасны і елкі на ўчастку каля 0,6 га, пашкоджаным у выніку стыхійных бедстваў і ўздзеяння жука-караеда, у рамках акцыі «Тыдзень лесу». Прадстаўнікі аддзела за ядзернай і радыяцыйнай бяспекай на пляцоўцы АЭС абнавілі дзіцячую пляцоўку Сацыяльна-педагагічнага цэнтра Астравецкага раёна, шэфства над якой устанавіў Дзяржатамнагляд. Супрацоўнікі Дзяржатамнагляду, што засталіся на сваіх працоўных месцах, займаліся навядзеннем парадку ў службовых памяшканнях, сістэматызацыяй рабочых матэрыялаў і дакументаў, іншай бягучай працай.
Грашовыя сродкі, заробленыя ў дзень правядзення рэспубліканскага суботніка, накіроўваюцца на падрыхтоўку дзіцячых загарадных аздараўленчых лагераў да летняга сезона, рамонт, рэканструкцыю, рэстаўрацыю, аднаўленне мясцовых гісторыка-культурных каштоўнасцяў, мемарыяльных комплексаў, месцаў баявой і воінскай славы часоў Вялікай Айчыннай вайны, а таксама капітальны рамонт з мадэрнізацыяй помнікаў у Мінску: партызанам і воінам, якія загінулі ў гады Вялікай Айчыннай вайны і манумента Перамогі на аднайменнай плошчы.
Па дадатковую інфармацыю звяртацца да кансультанта Дзяржатамнагляду Алега Собалева, тэл. (8-017) 200-92-16
Іншыя навіны
