Дэпартамент па ядзернай і радыяцыйнай бяспецы
Дзяржатамнагляд працягвае распрацоўку і ўкараненне працэсаў ІСК
У Дзяржатамнаглядзе пад кіраўніцтвам Каардынацыйнага савета па ўкараненні Інтэграванай сістэмы кіравання (ІСК) працягваецца распрацоўка новых і актуалізацыя укаранёных працэсаў ІСК. Ход распрацоўкі працэсаў і прагрэс выканання адпаведнага плана мерапрыемстваў абмеркаваны на чарговым пасяджэнні Каардынацыйнага савету 12 сакавіка 2019 года.
Для даведкі.
Рэкамендацыі пра ўкараненне ў органе рэгулявання ў галіне ядзернай і радыяцыйнай бяспекі Інтэграванай сістэмы кіравання, якая выбудоўваецца на аснове бізнес-працэсаў, змяшчаецца ў дзеючых рэдакцыях кіраўніцтваў па бяспецы Міжнароднага агенцтва па атамнай энергіі (МАГАТЭ), такіх як GSR Частка 1 «Дзяржаўная, прававая і рэгулюючая аснова забеспячэння бяспекі» і GSR Частка 2 «Лідэрства і менеджмент для забеспячэння бяспекі», у тым ліку ізноў выдадзеных.
Пры пабудове ІСК рэгулюючага органа прымяняюцца як агульныя стандарты ISO ў галіне кіравання і менеджменту якасці, так і спецыфічныя дакументы МАГАТЭ па пытаннях ядзернай і радыяцыйнай бяспекі.
Распрацоўка і ўкараненне рэгулюючых працэсаў ІСК Дзяржатамнагляду прадугледжаны адобраным Урадам Рэспублікі Беларусь Нацыянальным планам дзеянняў па выкананні рэкамендацый і прапаноў місіі МАГАТЭ па комплекснай ацэнцы рэгулюючай інфраструктуры ядзернай і радыяцыйнай бяспекі Рэспублікі Беларусь (місіі IRRS), якая была праведзена ў кастрычніку 2016 года.
Распрацоўка працэсаў ІСК Дзяржатамнагляду ажыццяўляецца пры метадалагічнай падтрымцы еўрапейскіх экспертаў, якая аказваецца ў рамках праектаў міжнароднай тэхнічнай дапамогі Еўрапейскага саюза, накіраваных на садзейнічанне беларускаму рэгулюючаму органу ў галіне ядзернай і радыяцыйнай бяспекі. Дадзеная праца з'яўляецца неад'емнай часткай развіцця сістэмы ядзернай і радыяцыйнай бяспекі ў Рэспубліцы Беларусь на аснове сучасных стандартаў бяспекі МАГАТЭ.
Іншыя навіны
