На пасяджэнні калегіі Дзяржатамнагляду падведзены вынікі дзейнасці дэпартамента ў 2018 годзе і абмеркаваны пытанні навукова-тэхнічнай падтрымкі рэгулюючай дзейнасці
Начальнік Дзяржатамнагляду Вольга Лугаўская прадставіла вынікі працы дэпартамента і ключавыя падзеі рэгулюючай дзейнасці ў 2018 годзе па напрамках:
-
распрацоўка нарматыўнай і метадычнай базы;
-
дазвольная дзейнасць;
-
ацэнка бяспекі аб'ектаў і відаў дзейнасці;
-
нагляд у галiне забеспячэння бяспекі крыніц іанізуючага выпраменьвання;
-
нагляд за забеспячэннем бяспекі Беларускай АЭС;
-
нагляд за забеспячэннем фізічнай абароны і кантроль за ўлікам ядзерных матэрыялаў;
-
рэгуляванне радыяцыйнай абароны і аварыйнага рэагавання;
-
камунікацыі і кансультацыі з зацікаўленымі бакамі.
У 2018 годзе завершаны комплекс мерапрыемстваў па правядзенні стрэс-тэстаў Беларускай АЭС як ацэнкі запасаў бяспекі ў кантэксце аварыі на японскай АЭС «Фукусіма-1». Забяспечана правядзенне партнёрскай праверкі Нацыянальнай справаздачы аб стрэс-тэстах Беларускай АЭС. Канчатковая версія Справаздачы аб партнёрскай праверцы прадстаўлена ў ходзе візіту ў Рэспубліку Беларусь Савета аб партнёрскай праверцы 12-14 чэрвеня 2018 года. На пасяджэнні Еўрапейскай групы рэгулятараў ядзернай бяспекі (ENSREG) 2 ліпеня 2018 г. адбылося яго зацвярджэнне, пасля якога справаздача была апублікавана ў адкрытым доступе на сайце ENSREG. 9 жніўня 2018 г. вынікі партнёрскай праверкі прадстаўлены няўрадавым арганізацыям, навукова-тэхнічным супольнасцям і СМІ. Падрыхтаваны план выканання рэкамендацый па выніках стрэс-тэстаў і прадстаўлены на зацвярджэнне ў Урад Рэспублікі Беларусь.
Вопыт беларускага рэгулюючага органа ў развіцці рэгулюючай інфраструктуры ядзернай і радыяцыйнай бяспекі становіцца запатрабаваны ўсё большай колькасцю краін, якія плануюць будаўніцтва сваіх першых АЭС, пра што сведчыць правядзенне ў 2018 г. у Рэспубліцы Беларусь такіх маштабных міжнародных мерапрыемстваў, як Форум супрацоўніцтва рэгулюючых органаў (RCF) з удзелам прадстаўнікоў дзеючых і патэнцыяльных краін-атрымальнікаў дапамогі (Бангладэш, В'етнам, Гана, Іарданія, Марока, Нігерыя, Польшча, Судан), а таксама краін і арганізацый-донараў, 25 юбілейнае пленарнае пасяджэнне Форуму органаў рэгулявання краін, якія эксплуатуюць рэактары ВВЭР (Форум ВВЭР) з удзелам прадстаўнікоў 12 краін і арганізацый. Па запрашэнні МАГАТЭ прадстаўнікі Дзяржатамнагляду прынялі ўдзел у ліку вядучых спікераў ў Міністэрскай канферэнцыі МАГАТЭ па пытаннях ядзернай навукі і тэхналогій і Канферэнцыі МАГАТЭ па пытаннях аказання тэхнічнай і навуковай падтрымкі рэгулюючым органам у галіне забеспячэння ядзернай бяспекі і абароны.
У ходзе пасяджэння калегіі абмеркавана пытанне фарміравання сістэмы навукова-тэхнічнай падтрымкі рэгулюючай дзейнасці. Прадстаўлены этапы і асаблівасці развіцця сістэмы ў Рэспубліцы Беларусь, пазначаныя праблемныя пытанні і магчымыя шляхі іх вырашэння ў бліжэйшай перспектыве. Адным з прыярытэтаў у гэтым напрамку з'яўляецца развіццё кадравага патэнцыялу Цэнтра па ядзернай і радыяцыйнай бяспеке як каардынатара сістэмы тэхнічнай падтрымкі. У абмеркаванні таксама прынялі ўдзел прадстаўнікі арганізацый-удзельніц сістэмы тэхнічнай падтрымкі, якія валодаюць ліцэнзіяй на права ажыццяўлення дзейнасці ў галіне выкарыстання атамнай энергіі і крыніц іанізуючага выпраменьвання ў частцы правядзення экспертызы бяспекі, ДНУ «АІЭЯД-Сосны» НАН Беларусі і НДУ «Інстытут ядзерных праблем" БДУ .
Намечаны прыярытэтныя задачы на 2019 г. і абмеркаваны падыходы да іх рэалізацыі, у тым ліку суправаджэнне праекта новай рэдакцыі Закона аб радыяцыйнай бяспецы ў Палаце прадстаўнікоў Нацыянальнага сходу Рэспублікі Беларусь (другое чытанне), распрацоўка тэхнічных нарматыўных прававых актаў, ліцэнзаванне ўводу ў эксплуатацыю блока № 1 Беларускай АЭС, уключаючы завоз паліва, ацэнка ведаў персаналу АЭС. Безумоўны прыярытэт аддаецца нагляднай / кантрольнай дзейнасці за бяспекай Беларускай АЭС і выкананнем заканадаўства.
Намеснік Міністра па надзвычайных сітуацыях Рэспублікі Беларусь Анатоль Даўгалевец даў пазітыўную ацэнку дзейнасці Дзяржатамнагляду ў 2018 годзе і пазначыў прыярытэтныя напрамкі далейшай працы.
Па дадатковую інфармацыю звяртацца да начальніка аддзела камунікацый і грамадскай інфармацыі Дзяржатамнагляду Алега Собалева, тэл. (8-017) 200-92-16.