Вопыт Беларусі па забеспячэнні радыяцыйнай бяспекі і яго прымяненне ў ядзернай сферы прадстаўлены на міжнароднай міністэрскай канферэнцыі МАГАТЭ

У Рэспубліцы Беларусь істотны ўплыў на фарміраванне інфраструктуры радыяцыйнай бяспекі аказала катастрофа на Чарнобыльскай АЭС, яе наступствы і іх пераадоленне: былі створаны сістэмы радыяцыйнага маніторынгу, кантролю радыеактыўнага забруджвання прадуктаў харчавання, вядзення гаспадаркі на пацярпелых тэрыторыях, назіранні за станам здароўя і лячэння пацярпелага насельніцтва, навуковага забеспячэння, сацыяльнай абароны, вытворчасці радыялагічнага абсталявання. Адначасова ў краіне развівалася прымяненне крыніц іанізуючага выпраменьвання ў медыцыне, прамысловасці і іншых галінах, працягваліся фундаментальныя і прыкладныя навуковыя даследаванні, у тым ліку ядзерныя. Напрацаваныя гадамі вопыт і патэнцыял у поўнай меры апынуліся запатрабаванымі і былі задзейнічаны для развіцця інфраструктуры ядзернай і радыяцыйнай бяспекі пасля прыняцця рашэння аб рэалізацыі ў Рэспубліцы Беларусь першай ядзернай энергетычнай праграмы. Далейшае сістэмнае нарошчванне гэтага патэнцыялу ў дачыненні да ядзернай сферы – неабходная ўмова забеспячэння бяспекі і ўстойлівасці прымянення ядзерных тэхналогій. Выкарыстоўваемыя ў нашай краіне падыходы і рашэнні ў частцы развіцця інфраструктуры рэгулявання ядзернай і радыяцыйнай бяспекі і яе кампанентаў усё часцей становяцца запатрабаванымі і ўяўляюць цікавасць для іншых дзяржаў, а таксама міжнародных арганізацый, уключаючы Міжнароднае агенцтва па атамнай энергіі.
Па дадатковую інфармацыю звяртацца да начальніка аддзела камунікацый і грамадскай інфармацыі Дзяржатамнагляду Алега Собалева, тэл. (8-017) 200-92-16